Ali təhsilinin qalan hissəsini Azərbaycanda almaq istəyənlərin NƏZƏRİNƏ: Qaydalar AÇIQLANDI

Ali təhsil alan şəxslər təhsilinin qalan hissəsini Azərbaycan Respublikasının ali təhsil müəssisələrinin birində davam etdirmək üçün ilkin olaraq kvalifikasiyalarının qismən tanınması üçün Təhsildə Keyfiyyət Təminatı Agentliyinə (TKTA) müraciət etməlidir.

Gundem.today xəbər verir ki, bu barədə TKTA məlumat yayıb.

Bildirilib ki, qismən tanınma prosesi nəticəsində müraciətçiyə təqdim olunan qismən akademik tanınma şəhadətnaməsi onun Azərbaycan Respublikasının ali təhsil müəssisələrindən birinə köçürülmək (transfer olunmaq) üçün müraciət etmək hüququnu təsdiq edən sənəddir:

"TKTA tərəfindən verilən qismən akademik tanınma şəhadətnaməsi köçürülmə (transfer) barədə qərar anlamına gəlmir və onun əldə edilməsi müraciətçinin ali təhsil müəssisəsinə köçürüləcəyinə zəmanət vermir. TKTA yalnız transfer prosesi üçün tələb olunan sənədlərdən biri olan qismən akademik tanınma şəhadətnaməsini təqdim edir. Köçürülmə ilə bağlı müraciətlərin qəbulu, qiymətləndirilməsi və yekun qərarın qəbul edilməsi Elm və Ali Təhsil üzrə Dövlət Agentliyinin (EATDA) səlahiyyətlərinə aiddir.

Köçürülmə prosesi "Ali təhsil müəssisələrinin bakalavriat (əsas (baza ali) tibb təhsilində) və magistratura səviyyələrində təhsilalanlar tərəfindən təhsil müəssisəsinin, ixtisasın, təhsilalma formasının dəyişdirilməsi, onların təhsil müəssisəsindən xaric və ya təhsil müəssisəsinə bərpa olunması, habelə təhsilalanların təhsilini müvəqqəti dayandırması (onlara akademik məzuniyyətin verilməsi) Qaydaları"na uyğun olaraq EATDA tərəfindən həyata keçirilir.

Köçürülmə prosesinin yay mövsümündə başlanacağını nəzərə alaraq, müraciət etmək istəyən şəxslərə https://apply.enic.edu.az/ platforması vasitəsilə elektron qaydada müraciət etmələri tövsiyə olunur. Qismən akademik tanınma şəhadətnaməsini əldə etmək istəyən şəxslərdən 30 iyun saat 18:00-dək TKTA-ya müraciət etmələri xahiş olunur. Qeyd edilən vaxtdan sonra daxil olan müraciətlər cari transfer dövrü çərçivəsində nəzərə alınmayacaqdır.

Qismən akademik tanınma üçün TKTA-ya müraciət edərkən aşağıdakı məqamlara xüsusilə diqqət edilməsi zəruridir:

1. Aktiv tələbə statusunu təsdiq edən arayış

Müraciətçinin hazırda təhsil aldığı ali təhsil müəssisəsində aktiv tələbə olduğunu təsdiq edən arayış (sistemdə "diplom" xanasına yüklənilməlidir) apostil möhürü ilə leqallaşdırılmış olmalıdır

(ətraflı məlumat üçün: https://tkta.edu.az/az/services/qualifications-recognition);

2. Akademik transkriptə dair tələblər

Təqdim olunan akademik transkript apostil möhürü ilə leqallaşdırılmış olmalı və aşağıda qeyd olunan məlumatları özündə əks etdirməlidir:

Ətraflı məlumat üçün: https://tkta.edu.az/az/services/qualifications-recognition

Qeyd edək ki, təqdim edilən sənədlərin autentikliyinin (həqiqiliyi) daha sürətli şəkildə yoxlanılması məqsədilə sözügedən sənədlərin QR kodlu və ya elektron imzalı (müvafiq keçid/link əlavə olunmaqla) formada təqdim edilməsi tövsiyə olunur".

Xəbər maraqlı gəlib? Sosial şəbəkələrdə paylaşın