"Çelsi"nin ulduzu Kol Palmer digər İngiltərə nəhənginə keçmək istəyir

"Çelsi" klubunun ulduz yarımmüdafiəçisi Kol Palmer karyerasını "Mançester Yunayted"də davam etdirmək ehtimalını nəzərdən keçirməyə hazırdır.

Gundem.today "Daily Mail" nəşrinə istinadən xəbər verir ki, 24 yaşlı ingiltərəli futbolçu hələ 2025-ci ilin yayında "Mançester Yunayted"ə keçmək niyyətində olub.

O, Mançester təmsilçisinin bu transferdə hələ də maraqlı olacağı təqdirdə, yenidən danışıqlar masasına qayıtmağa razıdır. Lakin hazırda "Mançester Yunayted"in əsas hədəfi heyətdəki digər mövqeləri gücləndirmək olduğundan, klub rəhbərliyi düşünmək üçün vaxt götürüb və hər hansı tələsik qərar vermək niyyətində deyil.

Qeyd edək ki, daha öncə yayılan xəbərlərdə Palmerin Mançesterdəki həyatı üçün darıxdığı bildirilirdi. Xatırladaq ki, "Mançester Siti"nin yetirməsi olan gənc istedad 2023-cü ilin sentyabrında "Çelsi"nin sıralarına qoşulub.

Yarımmüdafiəçi cari mövsümdə bütün turnirlər daxil olmaqla ümumilikdə 27 qarşılaşmada meydana çıxıb. O bu oyunlarda 10 qol və üç məhsuldar ötürmə ilə yadda qalıb.

Xəbər maraqlı gəlib? Sosial şəbəkələrdə paylaşın