Rusiyada iki kənddə fövqəladə vəziyyət rejimi tətbiq edildi: 200-dən çox həyətyanı sahəni su basdı

Rusiyanın Tomsk vilayətinin Çornaya Reçka kəndində 222 həyətyanı sahəni su basıb.

Gundem.today TASS-a istinadən xəbər verir ki, bu barədə Tomsk vilayəti üzrə Fövqəladə Hallar Nazirliyinin Baş İdarəsi məlumat yayıb.

Bildirilir ki, həmçinin 25 yaşayış evi su altında qalıb. Bundan başqa, Zareçnoye və Spasskoye yaşayış məntəqələrinin ərazisində fövqəladə vəziyyət rejimi tətbiq edilib.

Daha əvvəl Tomsk vilayətinin qubernatoru Vladimir Mazur bildirmişdi ki, Zareçnoye kənd yaşayış məntəqəsinə daxil olan Çornaya Reçka və Taxtamışevo yaşayış məntəqələrində təxminən 80 nəfər təxliyə edilib.

Xəbər maraqlı gəlib? Sosial şəbəkələrdə paylaşın