SAXAL Livanda əməliyyat başlayandan "Hizbullah"ın 1400 üzvünün öldürüldüyünü açıqlayıb

İsrail ordusu Livanda keçirilən əməliyyatlar zamanı "Hizbullah"ın 1 400-dən çox üzvünün öldürüldüyünü iddia edib.

Gundem.today TASS-a istinadən xəbər verir ki, bu barədə İsrail Müdafiə Ordusu (SAXAL) məlumat yayıb.

Bildirilib ki, döyüş əməliyyatları martın 2-dən davam edir. Bu müddətdə Livan ərazisinə endirilən zərbələr nəticəsində 4 300-dən çox hərbi infrastruktur obyekti məhv edilib.

Eyni dövrdə İsrail tərəfi 12 hərbçisinin həlak olduğunu açıqlayıb.

Qeyd edək ki, İsrail Livanda əməliyyatlara martın 2-də başlayıb. "Hizbollah" İsrail ərazisinə zərbələr endirməyə başladıqdan sonra qarşıdurma genişlənib. Rəsmi açıqlamalara görə, əməliyyatın məqsədi Litani çayının cənubunda bufer zona yaratmaq və İsrailin şimal yaşayış məntəqələrini atəşdən qorumaqdır.

Xəbər maraqlı gəlib? Sosial şəbəkələrdə paylaşın