Vaşinqtonda atəş açan şəxsin "manifest"i yayıldı: ABŞ rəsmiləri hədəf kimi göstərilirmiş

Vaşinqtonda atışma törədən şəxs hücumdan əvvəl yazdığı "manifest"də ABŞ administrasiyasının nümayəndələrini hədəf kimi göstərib.

Gundem.today xəbər verir ki, bu barədə "Fox News" telekanalının jurnalisti Ceki Haynrix məlumat yayıb.

Onun sözlərinə görə, şübhəlinin yazılı manifestində dövlət rəsmilərinin açıq şəkildə hədəf alındığı qeyd olunub. Həmçinin onun sosial şəbəkələrində Donald Trampın siyasətinə və xristianlığa qarşı çoxsaylı çıxışlar yer alıb.

Bildirilir ki, şübhəli şəxs həmin sənədi ailə üzvlərinə göndərib və qardaşı onu insidentdən əvvəl polisə təqdim edib.

Jurnalist əlavə edib ki, hücum edən şəxs daha əvvəl Trampın siyasətinə qarşı keçirilən "No Kings" aksiyasında da iştirak edib.

Xəbər maraqlı gəlib? Sosial şəbəkələrdə paylaşın