ABŞ İrana qarşı quru hücumuna hazırlaşır?

ABŞ-nin "C-17A Globemaster III" təyyarəsi BƏƏ səmasında İrana qarşı mümkün quru əməliyyatlara hazırlıq manevrləri edib.

Gundem.today Kp.ru-ya istinadən verdiyi məlumata görə, qeydə alınan uçuş göstəriciləri bu faktı sübut edir.

Məlumata əsasən, sözügedən hərbi təyyarə BƏƏ-nin hava sərhədlərinə yerli vaxtla təqribən saat 09:45-də (Bakı vaxtı ilə saat 10:45) daxil olub. O, Əbu-Dabi ərazisində yerləşən Əsəd neft-qaz yatağı istiqamətinə çataraq hündürlüyü azaldıb və iti bucaq altında uçuş trayektoriyasını davam etdirib. Qeyd olunan bu hərəkət ehtimal ki, yükün yerə atılmasından xəbər verir.

Daha sonra isə təyyarə saat 10:20-də (Bakı vaxtı ilə saat 11:20) Səudiyyə Ərəbistanı sərhədini keçmək şərti ilə hava məkanından uzaqlaşıb. Uçuş vasitəsinin havaya qalxdığı və eniş edəcəyi yekun ünvan barədə məlumatlar açıqlanmayıb.

Xəbər maraqlı gəlib? Sosial şəbəkələrdə paylaşın