ABŞ-nin Kuba ilə bağlı planı bəlli oldu

"ABŞ hakimiyyəti hazırda Kubaya qarşı hərbi əməliyyatlar keçirilməyi planlaşdırmır".

Gundem.today xəbər verir ki, bu barədə "Associated Press" agentliyi mənbələrinə istinadən məlumat yayıb.

"Vaşinqton yaxın vaxtlarda Havanaya qarşı hərbi əməliyyatların aparılması ehtimalını araşdırmır. Baxmayaraq ki, ABŞ Prezidenti Donald Tramp "Kuba növbəti hədəf olacaq" təhdidini dəfələrlə təkrarlayıb", - deyə agentliyi məlumatlandıran mənbə bildirib.

Lakin "Associated Press"ə danışan mənbənin sözlərinə görə, Tramp istənilən anda fikrini dəyişə də bilər.

Daha əvvəl Braziliya Prezidenti Luis İnasiu Lula da Silva Trampdan Vaşinqtonun Kubaya müdaxilə niyyətinin olmadığına dair təminat aldığını bildirmişdi.

"Əgər onun sözlərini mənə düzgün tərcümə ediblərsə, Tramp dedi ki, Kubaya müdaxilə etmək niyyətində deyil", - deyə Silva açıqlama vermişdi.

Xəbər maraqlı gəlib? Sosial şəbəkələrdə paylaşın