Ağ Ev Donald Trampı növbəti dəfə yeni obrazda təqdim etdi - FOTO

Ağ Ev ABŞ Prezidenti Donald Trampın məşhur "Ulduz müharibələri" filminin personajı obrazında fotosunu yayımlayıb.

Gundem.today xəbər verir ki, şəkil Ağ Evin "X" sosial şəbəkə hesabında paylaşılıb. Təsvirə əlavə edilən mətndə "Gücə ehtiyac duyulan qalaktikada Amerika hər zaman hazırdır. Bu, əsl doğru yoldur. Güc sizinlə olsun!" ifadələri yer alıb.

Yayımlanan fotoda Tramp bir əlində ABŞ bayrağı, digər əlində dəbilqə olan Mandaloriyalı obrazındadır. Onun geyimindəki çantada "Mandaloriyalı" televiziya serialının qəhrəmanı Qroqu yerləşir. Bu personajı tez-tez "Körpə Yoda" adlandırsalar da, o, əslində Yoda deyil, sadəcə ceday magistri ilə eyni irqdəndir.

Xatırladaq ki, ötən il mayın 4-də də Donald Tramp "Ulduz müharibələri" qəhrəmanı kimi nümayiş olunmuşdu. Həmin vaxt o, filmdə Qaranlıq tərəfin təmsilçiləri olan sithlərə aid qırmızı işıq qılıncı ilə təsvir edilmişdi.

Xəbər maraqlı gəlib? Sosial şəbəkələrdə paylaşın