Almaniyada qatar qəzası: Xəsarət alanlar var

Almaniyada təxminən 600 sərnişini daşıyan ICE qatarı kontakt şəbəkəsinin çökməsi nəticəsində relslərdə dayanmalı olub.

Gundem.today "RBB24"ə istinadən xəbər verir ki, hadisə aprelin 11-də Berlin-Leypsiq marşrutu üzrə hərəkət edən qatar Brandenburq sərhədini keçdikdən sonra baş verib.

Məlumata görə, kontakt lövhəsi qatarın üzərinə düşərək vaqonların bir neçə pəncərəsinə ziyan vurub. Hadisə nəticəsində iki sərnişin şüşə qırıntılarından yüngül xəsarət alıb.

Bildirilib ki, qəzanın baş verdiyi ərazi hazırda bağlanıb, qatarların hərəkəti alternativ marşrutlarla təşkil olunur. Sərnişinlər üçün ehtiyat qatar göndəriləcəyi qeyd olunub.

Xəbər maraqlı gəlib? Sosial şəbəkələrdə paylaşın