Aşağı pillələrə yuvarlanan "Tottenhem" psixoloqa müraciət etdi

Cari mövsümdə gözlənilməz dərəcədə uğursuz çıxış edən İngiltərənin "Tottenhem" klubu diqqətçəkən bir qərara imza atıb.

Gundem.today-ın İngiltərə mətbuatına istinadən verdiyi məlumata görə, London təmsilçisinin rəhbərliyi baş məşqçi Roberto de Zerbinin xüsusi tələbi əsasında əsas komandaya peşəkar psixoloq dəvət edib.

Bu addımın başlıca məqsədi çətin dövr keçirən futbolçuların mental durumunu bərpa etmək və psixoloji vəziyyətlərini yenidən qaydasına salmaqdır.

Xatırladaq ki, "Tottenhem" hazırda İngiltərə Premyer Liqasının (İPL) turnir cədvəlində gərgin vəziyyətlə üzləşib. Belə ki, komanda 33 turdan sonra toplanmış 31 xalla 20 iştirakçı arasında 17-ci pillədə qərarlaşıb və İngiltərə futbol elitasını tərk etmək təhlükəsi altındadır.

Xəbər maraqlı gəlib? Sosial şəbəkələrdə paylaşın