Azərbaycanda narkotikə görə 13 əcnəbi həbs edilib

Son 3 ayda Azərbaycanda narkotiklərin qanunsuz dövriyyəsi ilə bağlı 1 044 nəfər cinayət məsuliyyətinə cəlb edilib.

Gundem.today-ın məlumatına görə, bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun hesabatında bildirilir.

Qeyd edilib ki, məsuliyyətə cəlb edilənlərdən 13 nəfəri xarici ölkə vətəndaşıdır. Onlardan ümumilikdə 112 kiloqram 789.853 qram və 17 ədəd müxtəlif növ narkotik vasitələr götürülüb.

Hüquq mühafizə orqanları tərəfindən narkotik vasitələrin və psixotrop maddələrin qaçaqmalçılıq yolu ilə ölkə ərazisinə gətirilməsi ilə bağlı 44 fakt aşkar edilib.

Həmin faktlar üzrə qanunsuz dövriyyədən ümumi çəkisi 759 kq 474.815 qr narkotik vasitə çıxarılıb.

Ümumilikdə, aşkarlanmış cinayətlərin 54-ü qrup halında törədilmiş və həmin faktlar üzrə qanunsuz dövriyyədən çəkisi 625 kq 285.9 qr narkotik vasitə və psixotrop maddə və 1.2 qr güclü təsiredici maddə müsadirə edilib.

500 cinayət faktı əvvəllər məhkum olunmuş şəxslər tərəfindən törədilib və onlardan 454 kq 500.9 qr müxtəlif növ narkotik vasitə götürülüb.

Xəbər maraqlı gəlib? Sosial şəbəkələrdə paylaşın