
"Azercell Telekom" MMC "Tələbə Təqaüdü Proqramı"nın qaliblərini təbrik edib
Bu il 15 tələbə "Azercell"dən təqaüd qazanıb.
Bu il 15 tələbə "Azercell"dən təqaüd qazanıb.
"Azercell Telekom" MMC-nin fevral ayında elan etdiyi "Tələbə Təqaüdü Proqramı"nın qalibləri müəyyənləşib. Proqram Azərbaycanda rəqəmsal iqtisadiyyatın inkişafına dair 2026-2029-cu illəri əhatə edən strateji hədəflərə uyğun olaraq həyata keçirilib və STEM istiqamətləri üzrə təhsil alan gənclərin dəstəklənməsinə yönəlib.
Bu il proqrama ümumilikdə 1500-dən çox müraciət daxil olub. Müraciətlərin ilkin qiymətləndirilməsi, namizədlərin bilik və bacarıqlarının yoxlanılması, həmçinin analitik düşünmə qabiliyyətini ölçən mərhələli seçim prosesi nəticəsində 15 tələbə "Azercell"in təqaüdünə layiq görülüb. Qaliblər Bakı Ali Neft Məktəbi, Azərbaycan Dövlət İqtisadiyyat Universiteti, ADA Universiteti, UFAZ, Azərbaycan Dövlət Neft və Sənaye Universiteti və Bakı Mühəndislik Universiteti kimi ölkənin aparıcı ali təhsil müəssisələrində təhsil alırlar.
"Azercell" nümayəndələri proqram qalibləri ilə görüş keçirərək onları bu nailiyyət münasibətilə təbrik edib, xüsusi sertifikatlarla mükafatlandırıblar. Görüş zamanı tələbələri maraqlandıran suallar cavablandırlıb, şirkətin fəaliyyət istiqamətləri və gənclər üçün yaratdığı imkanlar barədə ətraflı məlumat təqdim olunub.
Qeyd edək ki, "Azercell Telekom" MMC "Tələbə Təqaüdü Proqramı"nı 2007-ci ildən həyata keçirir. Bu günədək şirkət ümumilikdə 300-dən çox tələbəni təqaüdlə təmin edib.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DigərAzərbaycan Kibertəhlükəsizlik Mərkəzinin yeni tədris dalğasına qeydiyyat başladı
Rəqəmsal İnkişaf və Nəqliyyat Nazirliyi, İnnovasiya və Rəqəmsal İnkişaf Agentliyinin "Technion" Texnologiya İnstitutu ilə birgə təsis etdiyi Azərbaycan Kibertəhlükəsizlik Mərkəzi təlimlərin yeni dalğası üçün qeydiyyata start verib.
Digər"AzInTelecom" IV Vergi və Mühasibatlıq Zirvəsində - FOTO - VİDEO
"AzInTelecom" MMC maliyyə rəhbərləri və sahibkarları bir araya gətirən IV "Vergi və Mühasibatlıq Zirvəsi"ndə iştirak edib.
Digər"Kontakt"da növbəti 100 000 manat qazanıldı
"Kontakt" mağazalar şəbəkəsinin pul uduşlu "Qoşa seç, 100 000 AZN-dək apar" kampaniyasından sevindirən xəbərlər gəlməyə davam edir. Belə ki, şəbəkənin keçirdiyi növbəti finalda daha iki müştəri 100 000 AZN-lik böyük pul mükafatını sahibi olub.
Digər