Bakı Kənar Dairəvi yolunda avtomobil YANDI, sıxlıq yarandı - VİDEO

Yasamal rayonu, Kənar Dairəvi yolda avtomobildə yanğın baş verib, ərazidə nəqliyyat vasitələrinin sıxlığının yaranmasına səbəb olub.

Gundem.today xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunublar.

Yanğınsöndürənlərin çevik müdaxiləsi sayəsində "Land Rover" markalı minik avtomobilinin mühərrik hissəsində baş verən yanğın genişlənməsinə imkan verilmədən qısa müddətdə söndürülüb.

Avtomobilin digər hissələri yanğından mühafizə olunub.

Xəsarət alan olmayıb.

Xəbər maraqlı gəlib? Sosial şəbəkələrdə paylaşın