Fars körfəzi bölgəsində 25 gəmi hücuma məruz qalıb

ABŞ və İsrailin İrana qarşı müharibəsi başlayandan bəri Fars körfəzi bölgəsində 25 gəmi hücuma məruz qalıb.

Gundem.today xəbər verir ki, bu barədə Böyük Britaniya Hərbi Dəniz Qüvvələrinin dəniz ticarət daşımalarının koordinasiya mərkəzi (UKMTO) məlumat yayıb.

Bildirilib ki, fevralın 28-dən mayın 5-dək UKMTO Fars körfəzi, Hörmüz boğazı və Oman körfəzi ərazilərində fəaliyyət göstərən gəmilərlə bağlı ümumilikdə 45 insident haqqında məlumat alıb. Bunlara 25 hücum, 18 şübhəli fəaliyyət və iki gəminin ələ keçirilməsi daxildir.

Eyni zamanda, BMT-nin Beynəlxalq Dəniz Təşkilatının məlumatına görə, müharibə başlayandan bəri ümumilikdə 31 insident qeydə alınıb. Bu hadisələr nəticəsində 10 dənizçi həlak olub, bir neçəsi isə ağır yaralanıb.

Xəbər maraqlı gəlib? Sosial şəbəkələrdə paylaşın