İsraillə Livan arasında 33 ildən sonra ilk dəfə birbaşa danışıqlar başlayıb

Vaşinqtonda İsrail və Livan arasında 33 ildən sonra ilk birbaşa danışıqlar başlayıb. Danışıqlarda ABŞ dövlət katibi Marko Rubio da iştirak edir.

Gundem.today bu barədə newsru.co.il saytına istinadən xəbər verir.

1948-ci ildən müharibə vəziyyətində olan dövlətləri ABŞ-dəki səfirlər Yexiel Leyter və Nada Hamad Moavad təmsil edirlər. Onlar bir-birinin əlini sıxmaqdan çəkiniblər. Danışıqlarda ABŞ Prezidenti Donald Trampın dostu, ABŞ-nin Livandakı səfiri Mişel İssa da iştirak edir.

"Biz sadəcə atəşkəsdən deyil, Livanda "Hizbullah"ın 20-30 illik təsirinə son qoymağa çağırılmış daimi nizamlamadan danışırıq. Altı saata bütün problemləri həll edə bilməyəcəyik, lakin bu, irəliyə doğru hərəkətə başlamaq üçün tarixi şansdır", - deyə Rubio bildirib.

Qeyd edək ki, ölkələrin nümayəndələri arasında birbaşa danışıqlar sonuncu dəfə 1993-cü ildə baş tutub.

Xəbər maraqlı gəlib? Sosial şəbəkələrdə paylaşın