KİV: Yeni araşdırma melatonin və maqneziumun yuxu üçün təsirsiz olduğunu göstərib

Yeni araşdırma göstərib ki, milyonlarla insanın istifadə etdiyi melatonin və maqnezium yuxuya getməni əhəmiyyətli dərəcədə yaxşılaşdırmır.

Gundem.today xəbər verir ki, bu barədə məlumatı "The New York Times" yayıb.

Araşdırmaya görə, melatoninin təsiri halların təxminən yarısında plasebodan fərqlənmir və orqanizm zamanla süni hormona öyrəşərək öz melatonin istehsalını azalda bilər.

Maqnezium isə yuxu problemləri yalnız əzələ spazmları ilə bağlı olan şəxslər üçün müəyyən fayda verir.

Bundan əlavə, CBD tərkibli məhsulların (kannabis ekstraktlı yağların) yuxuya müsbət təsiri elmi şəkildə sübut olunmayıb.

Mütəxəssislər qeyd edir ki, keyfiyyətli yuxunun əsas düşmənləri xroniki stres, elektron cihazların yaydığı "mavi işıq" və nizamsız yuxu rejimidir.

Onların sözlərinə görə, sabit yuxu qrafiki və fiziki aktivlik isə heç bir xərc tələb etmədən yuxunun keyfiyyətini yaxşılaşdıra bilər.

Xəbər maraqlı gəlib? Sosial şəbəkələrdə paylaşın