Nikol Paşinyan Azərbaycana gəlmək istəyir

Ermənistan baş naziri Nikol Paşinyan 2028-ci ildə Azərbaycana gəlmək niyyətindədir. Hökumət rəhbəri bu ehtimal edilən səfəri Avropa Siyasi Birliyinin (ASB) gələcək sammitinə qatılmaq məqsədilə həyata keçirmək istədiyini diqqətə çatdırıb.

Gundem.today xəbər verir ki, bu barədə Ermənistan mətbuatı məlumat yayıb.

"Azərbaycan Prezidenti İlham Əliyev ilk dəfədir ki, Ermənistanda təşkil olunan tədbirdə məsafədən də olsa, iştirak edir. Bununla yanaşı, ümidvaram ki, 2028-ci ilə təsadüf edəcək 10-cu ASB sammiti çərçivəsində mənim də Azərbaycana səfər etmək şansım yaranacaq", - deyə İrəvan şəhərində baş tutan 8-ci ASB sammitinin açılış mərasimində çıxış edən Ermənistanın baş naziri qeyd edib.

Xəbər maraqlı gəlib? Sosial şəbəkələrdə paylaşın