
Pakistan və Əfqanıstan arasında mühüm razılaşma əldə olundu
Çin Xalq Respublikasının Urumçi şəhərində baş tutan və bir həftə davam edən qeyri-rəsmi danışıqların yekununda Əfqanıstan və Pakistan arasında razılaşma əldə olunub.
Çin Xalq Respublikasının Urumçi şəhərində baş tutan və bir həftə davam edən qeyri-rəsmi danışıqların yekununda Əfqanıstan və Pakistan arasında razılaşma əldə olunub.
Çinin vasitəçiliyi ilə keçirilən görüşdə tərəflər mövcud ziddiyyətləri qısa müddətdə nizamlamağın vacibliyini vurğulayıblar. Eyni zamanda vəziyyəti daha da gərginləşdirə biləcək hərəkətlərdən imtina olunacağını bəyan ediblər.
Gundem.today TASS-a istinadla xəbər verir ki, bu barədə Çin Xarici İşlər Nazirliyinin (XİN) rəsmi sözçüsü Mao Ninq açıqlama verib.
XİN rəsmisinin sözlərinə görə, aprelin 1-dən 7-dək Urumçidə hər üç ölkənin təhlükəsizlik, müdafiə və diplomatiya sahələrini təmsil edən nümayəndə heyətləri arasında bir neçə qeyri-rəsmi görüş təşkil olunub. Tərəflər mübahisəli məsələlərin yalnız qarşılıqlı müzakirələr və dialoq vasitəsilə həllinə tərəfdar olduqlarını təkrarlayıb, eskalasiyaya səbəb ola biləcək addımlardan uzaq duracaqlarına dair öhdəlik götürüblər.
Sözçü diqqətə çatdırıb ki, danışıqlar prosesində Pakistan və Əfqanıstan arasındakı əlaqələrin kompleks şəkildə normallaşdırılması yolları nəzərdən keçirilib, həmçinin ilk növbədə həllini gözləyən məsələlər dəqiqləşdirilib.
Çin XİN nümayəndəsi yekunda bildirib ki, Pekin bundan sonra da ortaq məsləhətləşmələrə ev sahibliyi edəcək.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaTramp: "İran daha uranın zənginləşdirilməsi prosesini davam etdirməyəcək"
ABŞ Prezidenti Donald Tramp İranın bundan sonra uranın zənginləşdirilməsi prosesini davam etdirməyəcəyini deyib.
DünyaABŞ-İran atəşkəsi fonunda Yaxın Şərq ölkələrinə hücumlar edilir
ABŞ və İran arasında əldə olunmuş atəşkəs razılaşmasına baxmayaraq, Yaxın Şərqdə hələ də ayrı-ayrı hücumlar qeydə alınmaqdadır.
DünyaTramp İrana silah satan ölkələrə 50 faiz rüsum tətbiq edəcək - FOTO
"İrana silah və hərbi vasitələr tədarükü həyata keçirən istənilən ölkənin Amerika Birləşmiş Ştatlarına ixrac etdiyi bütün məhsullara dərhal 50 faiz rüsum tətbiq olunacaq".
DünyaCey Di Vens Vaşinqton-Tehran barışığını "kövrək" adlandırdı: "ABŞ-nin müttəfiqləri ABŞ-İran atəşkəsinə qoşulublar"
ABŞ vitse-prezidenti Ceyms Devid Vens Vaşinqton və Tehran arasında əldə edilən müvəqqəti ikihəftəlik atəşkəs razılaşmasını "kövrək" adlandırıb, həmçinin əlavə edib ki, ABŞ-nin regiondakı müttəfiqləri atəşkəsə qoşulub və hərbi əməliyyatlar aparmırlar.