Paytaxtın bəzi yollarında təmir-bərpa işləri başa çatıb

Vətəndaşlar üçün daha rahat və təhlükəsiz hərəkət şəraitinin təmin edilməsi məqsədilə təxirəsalınmaz təmir-bərpa işləri davam etdirilir.

Gundem.today xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Bildirilib ki, gündəlik həyata minimum maneə yaratmaq üçün təmir işləri əsasən istirahət günlərində həyata keçirilib.

İşlərin vaxtında yekunlaşdırılması məqsədilə həftəsonu 24 saat fasiləsiz iş rejimi təşkil olunub.

Təmir prosesi zamanı nəqliyyatın hərəkətinə minimum maneə yaradılması üçün bütün zəruri tədbirlər görülüb.

Nəticədə dörd ərazidə təmir-bərpa işləri uğurla başa çatdırılıb:

1. R.Behbudov küçəsi (Ş.Bədəlbəyli küçəsindən A.Bakıxanov küçəsinə qədər olan hissə);

2. Z.Bünyadov prospekti (M.Nərimanov küçəsindən X.R.Ulutürk küçəsinə qədər);

3. A.M.Şərifzadə küçəsi (Ə.Əhmədov küçəsindən A.Abbasov küçəsinə qədər olan hissə);

4. Bakı Dairəvi yolundan "Meyvəli Ticarət Mərkəzi"nə gedən yol.

Xəbər maraqlı gəlib? Sosial şəbəkələrdə paylaşın