"Sabah" Polşa millisinin futbolçusunu birdəfəlik transfer edir

"Sabah" polşalı futbolçu Timoteuş Puxaçla bağlı qərarını verib.

Gundem.today İdmanxeber.az-a istinadən xəbər verir ki, ötən ilin sentyabr ayında Almaniyanın "Holştayn Kil" klubundan 1 illik icarəyə götürülən oyunçuya yeni müqavilə təklif edilib. Paytaxt təmsilçisi Puxaçı birdəfəlik transfer etmək niyyətindədir.

Cinah müdafiəçisi özü də "Sabah"da oynamağa müsbət yanaşır. O, Azərbaycan klubu ilə anlaşıb.

Tərəflər arasında davam edən danışıqlar müsbət nəticələnib. Futbolçu yaxın vaxtda birdəfəlik "bayquşlar"ın üzvü olacaq.

Puxaç karyerası ərzində Polşanın "Lex" (2017-2021), "Zaqlebie Sosnovets" (2018), "QKS Katovitse" (2018/19), Almaniyanın "Union Berlin" (2021-2024), "Holştayn Kil" (2024-2025), "Kayzerslautern" (2023/24), Türkiyənin "Trabzonspor" (2022), Yunanıstanın "Panatinaikos" (2023) və İngiltərənin "Plimut" (2025) klublarında çıxış edib. Timoteuş Polşanın əsas millisində 15 oyun keçirib.

Xəbər maraqlı gəlib? Sosial şəbəkələrdə paylaşın