Şəkidə ağır qəza: 49 yaşlı kişi xəsarət aldı, ahıl anası öldü

Şəkidə ölümlə nəticələnən ağır yol-nəqliyyat hadisəsi baş verib.

Gundem.today-ın məlumatına görə, hadisə bu gün gecə saat 2 radələrində Qaraməryəm-İsmayıllı-Şəki yolunun Şəki rayonunun Köbər Zəyzid kəndi ərazisindən keçən hissəsində qeydə alınıb.

Elsevər İsmayılovun idarə etdiyi "Mercedes" markalı avtomobil ağaca çırpılıb. Nəticədə nəqliyyat vasitəsində olan sərnişinlər - 49 yaşlı Rizvan İsmayılov və onun anası 68 yaşlı Tamilə İsmayılova xəsarət alıb. T.İsmayılova aldığı xəsarətlərdən xəstəxanada vəfat edib.

DİN-in Mətbuat Xidmətinin regional qrupundan Gundem.today-a bildirilib ki, faktla bağlı cinayət işi başlanılıb, araşdırmalar aparılır.

Xəbər maraqlı gəlib? Sosial şəbəkələrdə paylaşın