Terrorçuluğa qarşı qanunları pozan şirkət onminlərlə manat cərimələndi

Azərbaycan Respublikasının Mərkəzi Bankı (AMB) "A-Solutions Elektron Pul Təşkilatı" MMC-ni cərimələyib.

Gundem.today xəbər verir ki, bu barədə AMB məlumat yayıb.

Bildirilib ki, buna səbəb 01.09.2025 - 17.10.2025-ci il tarixlərində həyata keçirilən yerində yoxlama çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin bir sıra tələblərinin pozulması faktlarının aşkarlanmasıdır.

Qeyd olunub ki, İnzibati Xətalar Məcəlləsinin 598.1.1, 598.1.2 və 598.1.4-cü maddələrinə əsasən, hüquqi şəxs olaraq 50 000 (əlli min) manat, təşkilatın vəzifəli şəxsi isə 10 000 (on min) manat məbləğində cərimə edilib.

Xəbər maraqlı gəlib? Sosial şəbəkələrdə paylaşın