UEFA Çempionlar Liqası: İlk yarımfinalçılar müəyyənləşdi

UEFA Çempionlar Liqasında 1/4 final mərhələsinin cavab görüşlərinə start verilib.

Gundem.today xəbər verir ki, bu gecə iki oyun baş tutub.

Gecənin maraqlı qarşılaşmalarında "Atletiko Madrid" "Barselona" ilə, "Liverpul" isə PSJ ilə üz-üzə gəlib.

İlk oyunda səfərdə "Barselona"nı üstələyən (0:2) Madrid təmsilçisi evdə rəqibinə 1:2 hesabı ilə uduzsa da, iki matçın nəticəsinə (3:2) əsasən yarımfinala yüksəlib.

"Atletiko Madrid" "Arsenal" - "Sportinq" cütünün qalibi ilə üz-üzə gələcək.

Turnirin ötənilki qalibi PSJ "Liverpul" səfərindən qələbə ilə qayıdır - 0:2. İlk görüşdə də rəqibinə eyni hesabla qalib gələn Fransa təmsilçisi adını 1/2 final mərhələsinə yazdırıb.

PSJ "Bavariya" - "Real Madrid" cütünün qalibi ilə qarşılaşacaq.

Xəbər maraqlı gəlib? Sosial şəbəkələrdə paylaşın