Ağ Ev işçilərinin birja hərraclarındakı aktivliyi - Trampı qəzəbləndirən məqam nədir?

Ağ Ev işçilərinə füçers hərraclarında iştirak məqsədilə vəzifə səlahiyyətlərindən yararlanmamaları barədə xəbərdarlıq edib.

Gundem.today xəbər verir ki, bu barədə "The Wall Street Journal" (WSJ) nəşrinin mənbələrə istinadən məlumat yayıb.

Nəşrdə bildirilib ki, martın 23-də ABŞ Prezidenti Donald Trampın İranın elektrik stansiyaları və infrastrukturuna zərbələrin dayandırılmasını elan etməsinə bir neçə dəqiqə qalmış, dəyəri 760 milyon dollardan çox olan neft füçersləri ilə əməliyyatlar həyata keçirilib. Növbəti gün Ağ Evin idarəetmə şöbəsi prezident administrasiyasının əməkdaşlarına elektron bildiriş göndərərək, onları füçers bazarlarında ticarət üçün öz mövqelərindən qanunsuz istifadə etməkdən çəkindirməyə çağırıb.

"Prezident Tramp hər kəs üçün güclü və gəlirli fond bazarı arzulasa da, Konqres üzvlərinin və digər dövlət rəsmilərinin qeyri-ictimai məlumatlardan maliyyə məqsədləri üçün istifadə etməsinin qadağan olunmalı olduğunu çox aydın şəkildə ifadə edib", - deyə nəşr Ağ Evin nümayəndəsi Devis İnqlın sözlərinə istinadən sitat gətirib. Qəzetə təqdim olunan "Dow Jones Market Data" məlumatlarına görə, "Polymarket" platformasındakı üç iştirakçı İranla atəşkəsin vaxtını doğru təxmin edərək 600 min dollardan çox gəlir əldə edib. Lakin qəzet qeyd edir ki, amerikalı məmurların proqnoz bazarlarında varlanmaq üçün bu cür məlumatlardan istifadə etdiyinə dair heç bir sübut yoxdur.

Bundan əvvəl "Axios" portalı xəbər vermişdi ki, bəzi istifadəçilərin şübhəli fəaliyyəti fonunda ABŞ konqresmenləri ictimai-siyasi əhəmiyyət kəsb edən hadisələrin, o cümlədən seçkilərin nəticələri, hökumət qərarları, hərbi əməliyyatlar və idman yarışlarının yekunları ilə bağlı mərclərin bağlanmasını qadağan etmək istəyirlər.

Xəbər maraqlı gəlib? Sosial şəbəkələrdə paylaşın