"Barselona"da Lamin Yamal həyəcanı: Gənc ulduz məşqi yarımçıq qoydu

Kataloniyanın "Barselona" klubunun gənc hücumçusu Lamin Yamal ötən gün keçirilən komanda məşqi zamanı qəfil narahatlıq yaşayıb.

Gundem.today xəbər verir ki, səhhətində yaranan problemə görə gənc ulduz məşq prosesini yarımçıq qoyaraq meydanı tərk etmək məcburiyyətində qalıb.

Məlumata görə, aparılan tibbi müayinə nəticəsində 18 yaşlı cinah oyunçusunda heç bir ciddi zədə aşkarlanmayıb. Yalnız futbolçunun əzələlərində yüngül gərginlik olduğu diqqətə çatdırılıb. Qeyd olunub ki, bu kiçik problem onun aprelin 11-də "Espanyol"a qarşı keçiriləcək matçın iştirak ərizəsinə daxil edilməsi üçün əngəl yaratmır. Buna baxmayaraq, "Barselona"nın tibb heyəti ehtiyat tədbiri olaraq forvarda bir gün dincəlməyi tövsiyə edib.

Xatırladaq ki, cari mövsümdə Yamal iştirak etdiyi bütün turnirlərdə ümumilikdə 42 dəfə yaşıl meydana çıxıb, 21 qol və 16 məhsuldar ötürmə ilə yadda qalıb.

İstedadlı futbolçunun klubla qüvvədə olan hazırkı müqaviləsinin müddəti isə 2031-ci ilin yayına qədər nəzərdə tutulub.

Xəbər maraqlı gəlib? Sosial şəbəkələrdə paylaşın