
Berlində 13 yaşlı məktəbli tarixi xəzinə tapdı
Almaniyanın paytaxtı Berlində 13 yaşlı məktəbli tarlada eramızdan əvvəl III əsrə aid nadir qədim bürünc sikkə aşkar edib.
Almaniyanın paytaxtı Berlində 13 yaşlı məktəbli tarlada eramızdan əvvəl III əsrə aid nadir qədim bürünc sikkə aşkar edib.
Gundem.today xəbər verir ki, bu barədə "Bild" qəzeti məlumat yayıb.
Mütəxəssislərin qiymətləndirməsinə görə, sikkə eramızdan əvvəl 281-261-ci illərdə müasir Türkiyənin şimal-qərbində zərb olunub. Onun bir tərəfində korinf dəbilqəli ilahə Afina, digər tərəfində isə nizə və iynə ilə təsvir olunub.
Bu, Berlin ərazisində aşkar olunan ilk belə qədim yunan tapıntısıdır. Sikkənin çəkisi təxminən 7 qram, diametri isə 12 mm-dir. Onun bu əraziyə necə gəlib çıxması hələlik məlum deyil. Tapıntı yeri qədim dəfn sahəsi hesab olunur və burada əvvəllər də keramika və bürünc əşyalar aşkarlanıb.
Məktəbli tapıntını mütəxəssislərə təhvil verib və hazırda o elmi qiymətləndirmədən keçirilir. Sikkə aprelin 15-dən etibarən Berlinin PETRI arxeologiya mərkəzində ictimaiyyətə təqdim olunacaq.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaSomali piratları neftlə dolu "Honour 25" tankerini ələ keçirdilər
Somali dəniz quldurları 18 min barel nefti daşıyan "Honour 25" gəmisini qaçırıblar.
DünyaƏli Laricaninin dəhşətli ölümü: "Başı, bədəni yox idi, yalnız bir əli qalmışdı"
"Qardaşımın başı, bədəni yox idi və yalnız bir əli qalmışdı".
DünyaRusiya ordusu Ukraynada yaşayış məntəqəsini nəzarətə götürdü
Rusiya ordusu Ukraynada yaşayış məntəqəsini nəzarətə götürüb.
DünyaƏraqçı İranın şərtlərini Pakistan tərəfinə çatdırdı
İranın xarici işlər naziri Abbas Əraqçı Tehranın Vaşinqtonla dialoqundа vasitəçi rolunu oynayan Pakistan tərəfinə İslam Respublikasının mövqeyini, həmçinin ABŞ-nin tələblərinə dair qeydlərini çatdırıb.