Bəzən yollar niyə təhlükəli "oyun meydanı"na çevrilir? - VİDEO

Baku TV-nin "Necə olmalıdır?" rubrikasının budəfəki buraxılışında paytaxtın Şəfayət Mehdiyev küçəsində yol hərəkətinin təşkili ilə bağlı problemlərə diqqət çəkilib.

Bildirilib ki, əhalinin sıx məskunlaşdığı hissədə səki problemi ciddi xarakter alıb. Səki üçün nəzərdə tutulan ərazilərin bir qismi parklanma yerlərinə çevrilib, bəziləri müxtəlif obyektlər tərəfindən zəbt olunub, bəzi hissələr isə yararsız vəziyyətdədir.

Qeyd edilib ki, məhəllə girişlərində piyada keçidləri yoxdur, bəzi yerlərdə isə işıq dirəkləri səkilərdən istifadəni çətinləşdirir. Bu vəziyyət xüsusilə uşaq və əlil arabası ilə hərəkət edənlər üçün ciddi maneə yaradır.

Əlavə edilib ki, avtobus dayanacaqlarında gözləmə sahəsinin azlığı isə vətəndaşları yolun hərəkət hissəsində dayanmağa məcbur edir.

Xəbər maraqlı gəlib? Sosial şəbəkələrdə paylaşın