
Çin bu il ilk dəfə "Kinetica-1" raketini kosmosa buraxıb
Çin cari ildə ilk dəfə "Kinetica-1" daşıyıcı raketi ilə bir neçə peyki orbitə göndərib.
Çin cari ildə ilk dəfə "Kinetica-1" daşıyıcı raketi ilə bir neçə peyki orbitə göndərib.
Gundem.today xəbər verir ki, bu barədə "Xinhua" agentliyi məlumat yayıb.
Raketin buraxılışı çərşənbə axşamı Jiuquan Peyk Uçuş Mərkəzində yerləşən Donqfenq kommersiya meydançasından yerli vaxtla saat 12:03-də (Bakı vaxtı ilə 08:03) icra edilib. Daşıyıcı raket "Gaofen-07A02" Yer səthi müşahidə peyki də daxil olmaqla, ümumilikdə səkkiz peyki planlaşdırılmış orbitə problemsiz şəkildə çatdırıb.
Çin hökuməti öz milli kosmik proqramını sürətlə genişləndirir, naviqasiya, telekommunikasiya və meteoroloji peyklər istehsal edir, həmçinin Ayın öyrənilməsi məqsədilə yeni texnologiyalar yaradır. Dövlətin dəstəyi sayəsində çinli mütəxəssislər Mars planetini və asteroidləri tədqiq etmək yollarını axtarırlar. Hazırda Yer orbitində beynəlxalq tərəfdaşlıq üçün də nəzərdə tutulan Çin kosmik stansiyası işini davam etdirir.
Qeyd edək ki, 2025-ci ildə Çin 92 buraxılış həyata keçirməklə öz əvvəlki rekordunu yeniləyib.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaSerbiya İsraillə birgə hərbi dron istehsal edəcək
Serbiya öz ərazisində İsraillə birgə hərbi pilotsuz uçuş aparatlarının (PUA) istehsalına başlayacaq.
DünyaBerlin Kiyev üçün büdcə baryerini aşdı: Ukraynada birgə hərbi sənaye dövrü başlayır
"Ukraynanın Almaniya ilə dörd milyard avroluq yeni əməkdaşlıq paketi "Patriot" zenit-raket kompleksləri üçün raketlərin alınmasını, həmçinin dronların birgə istehsalını nəzərdə tutur".
DünyaYaxın Şərqdə gözlənilməz sülh həmləsi: Üç ölkə razılığa gəldi
ABŞ, İsrail və Livan birbaşa danışıqlara başlamağa razılaşıblar.
DünyaBanqladeş sahillərində gəmi qəzaya uğradı: Azı 250 nəfər itkin düşüb
Andaman dənizinin Banqladeş sahillərində baş verən gəmi qəzası nəticəsində qadın və uşaqlar da daxil olmaqla, azı 250 nəfər itkin düşüb.