Daha bir rayonda KÜTLƏVİ İXTİSAR: 46 nəfər işsiz qaldı
İcra hakimiyyəti orqanlarında aparılan struktur dəyişiklikləri ilə əlaqədar Şəmkir Rayon İcra Hakimiyyətində də ixtisarlar aparılıb.
İcra hakimiyyəti orqanlarında aparılan struktur dəyişiklikləri ilə əlaqədar Şəmkir Rayon İcra Hakimiyyətində də ixtisarlar aparılıb.
Gundem.today-ın əldə etdiyi məlumata görə, aparılan struktur dəyişikliyi ilə əlaqədar icra hakimiyyətinin 53 vəzifə ləğv edilib və nəticədə həmin şəxslər işlərini itiriblər. İcra başçısı Rəşad Tağıyevin sərəncamı ilə həmin əməkdaşların dövlət qulluğuna xitam verilib və onlar ehtiyat kadr siyahısına əlavə olunublar. Vəzifələri ləğv edilənlərdən 7 nəfər müvafiq icra hakimiyyətinin əlaqədar qurumlarında işlə təmin olunsa da, 46 nəfər ehtiyat kadr siyahısında qalıb.
Məlumata görə, vəzifələrini itirənlərdən 48 nəfər kənd inzibati ərazi dairəsi üzrə nümayəndəsinin müavini, nümayəndəliyinin baş məsləhətçi - baş mühasibidir. Digər şəxslər isə icra hakimiyyətində müəyyən vəzifələrdə çalışanlardır.
Qeyd edək ki, bundan əvvəl icra hakimiyyəti orqanlarında aparılan struktur dəyişiklikləri ilə əlaqədar Ağsu Rayon İcra Hakimiyyətinin 14 əməkdaşı, Tovuz Rayon İcra Hakimiyyətinin 43 əməkdaşı, Cəlilabad Rayon İcra Hakimiyyətinin 38 əməkdaşı, Quba Rayon İcra Hakimiyyətinin 36 əməkdaşı, Göyçay Rayon İcra Hakimiyyətinin 27 əməkdaşı, Lənkəran Şəhər İcra Hakimiyyətinin isə 44 əməkdaşı, Bərdə Rayon İcra Hakimiyyətinin 43 əməkdaşı, Ağdam Rayon İcra Hakimiyyətindən isə 54 nəfər vəzifələrindən azad ediliblər.
Aqil Vəlili
Xəbər maraqlı gəlib? Sosial şəbəkələrdə paylaşın
Oxşar Xəbərlər
CəmiyyətBakıda kanalizasiya xəttinin keçdiyi ərazidə torpaq qatı çökdü - VİDEO
Bakı şəhəri, Sabunçu rayonu ərazisində kanalizasiya xəttinin keçdiyi hissədə torpaq qatı çöküb.
CəmiyyətAğstafada beş mindən çox abonentin qazı kəsilib
Ağstafa rayonunun 9 kəndində qaz sızmalarının aradan qaldırılması və boruların təmiri məqsədilə 5500-dən çox abonentin qaz təchizatı müvəqqəti dayandırılacaq. Təmir işləri ilə bağlı ətraflı məlumat.
CəmiyyətQusarın Balaqusar kəndində ACINACAQLI MƏNZƏRƏ: Çay sahili zibilliyə çevrilib - VİDEO
Qusar rayonunun Balaqusar kəndində çay sahilinin vəziyyəti sakinlərin narahatlığına səbəb olub.
CəmiyyətXırdalan sakinləri çıxılmaz vəziyyətdə: Su problemi həllini nə zaman tapacaq?
Bir neçə gündür ki, intensiv yağışlar səbəbindən Abşeron rayonu Xırdalan şəhərində içməli su təminatında problem yaranıb. Bu da sakinlər üçün ciddi çətinliklər yaradıb.