Dəhşətli cinayət: ABŞ-də keçmiş hərbiçi özünün yeddi övladını qətlə yetirdi-FOTO

Amerika Birləşmiş Ştatlarının Luiziana ştatında qeydə alınan qanlı hadisəni silahlı qüvvələrin keçmiş hərbi qulluqçusu Şamar Elkins həyata keçirib.

Gundem.today-ın məlumatına əsasən, bu təfərrüatı yerli rəsmi qurumlara istinadla "New York Post" nəşri yayımlayıb.

Məlumata əsasən, həyatını itirən səkkiz azyaşlıdan yeddisi cinayətkarın doğma uşaqları olub.

Elkins aprelin 19-da səhər tezdən Şrivport şəhərində üç yerdə atışma törətdikdən sonra qaçıb. Hüquq-mühafizə orqanlarının məlumatına görə, ümumilikdə on atəş açılıb. Təqib zamanı cinayətkar hüquq-mühafizə orqanlarının əməkdaşları tərəfindən öldürülüb. Atışmanın motivi hələlik müəyyən edilməyib, polislər məlumat toplamağa davam edirlər.

Hadisədən qısa müddət öncə cinayətkar sosial şəbəkələrdə uşaqları ilə birgə çəkilmiş xeyli fotoşəkil, həmçinin Pasxa bayramı zamanı kilsədə olduqları anları əks etdirən kadrlar yayımlayıb. O, postlarının birində psixoloji problemlərini aşmaq üçün yaradandan yardım istəmişdi.

Beynəlxalq mətbuatın verdiyi xəbərə görə, 2019-cu ilin martında, hərbi xidmətini bitirdikdən 3 il sonra Ş.Elkins təhsil müəssisəsinin ərazisində qanunsuz silah saxlama və ondan istifadə etmə ittihamı ilə saxlanılaraq 18 aylıq şərti cəza almışdı.

Xəbər maraqlı gəlib? Sosial şəbəkələrdə paylaşın