Donald Trampın qolf klubunun yaxınlığında gəzən silahlı şəxs həbs edilib - FOTO

Polis Los-Ancelesin prestijli ərazisində, ABŞ Prezidenti Donald Trampın qolf klubunun yaxınlığında ağır silahlanmış vəziyyətdə dolaşan Şon Ştayneri həbs edib.

Gundem.today xəbər verir ki, bu barədə "New York Post" nəşri hüquq-mühafizə orqanlarına istinadən məlumat yayıb.

"Qlendeyl sakini olan Şon Ştayner odlu silahın qanunsuz dövriyyəsi ilə əlaqədar bir neçə ağır cinayət törətməkdə ittiham olunur", - deyə məqalədə qeyd edilib.

Polis əməkdaşlarının sözlərinə görə, zirehli gödəkçə geyinmiş və özü ilə böyük silah, o cümlədən xarakterik ifadələri ilə "Coker" üslubunda bəzədilmiş tüfəng gəzdirən kişi Los-Ancelesin bahalı məhəllələrində hərəkət edib.

Həmin şəxs Ranco-Palos-Verdesdəki "Trump National Golf Club Los Angeles" qolf klubunun yaxınlığında gəzərkən diqqət çəkib və avtomobil yoluna qaçarkən saxlanılıb. Həbs edildikdən sonra Ştayner etiraf edib ki, bundan bir qədər əvvəl qəzəbini tökmək məqsədilə havaya atəş açıb.

Xəbər maraqlı gəlib? Sosial şəbəkələrdə paylaşın