FİFA 2026-cı il dünya çempionatı üçün yeni qaydalar tətbiq edir

FIFA 2026-cı il dünya çempionatında tətbiq olunacaq yeni qaydalar təqdim edib.

Gundem.today "Gazeta.ru"ya istinadən xəbər verir ki, təşkilat beş yeni dəyişiklik tətbiq edir.

Matç zamanı əvəzlənən futbolçu meydanı 10 saniyə ərzində tərk etməlidir. Bu limit aşılarsa, onu əvəz edən oyunçu əlavə olaraq bir dəqiqə gözləməli olacaq. Aut atışı və qapıdan zərbələr üçün komandaya maksimum beş saniyə vaxt veriləcək.

Oyunçuya tibbi yardım göstərilərkən epizod sarı və ya qırmızı vərəqə ilə cəzalandırılmırsa, o, bir dəqiqəlik meydanı tərk etməli olacaq. VAR sistemi mübahisəli künc zərbələri və ikinci sarı vərəqə hallarında oyuna müdaxilə edə biləcək. Artıq hakimə izah üçün yalnız kapitan sarğısı olan futbolçu müraciət edə biləcək.

Qeyd edək ki, dünya çempionatı ABŞ, Kanada və Meksikada iyunun 11-dən iyulun 19-dək keçiriləcək.

Xəbər maraqlı gəlib? Sosial şəbəkələrdə paylaşın