Hakan Çalhanoğlu DÇ-2026-dan kənarda qalacaq?

Türkiyə millisinin təcrübəli futbolçusu Hakan Çalhanoğlu İtaliya A seriyasında mövsümü erkən başa vurub.

Gundem.today "Haber Global"a istinadən xəbər verir ki, 32 yaşlı yarımmüdafiəçi əzələ zədəsi səbəbindən mövsümün sonuna qədər Milan təmsilçisinin heyətində meydana çıxa bilməyəcək.

Ulduz futbolçunun "Komo" ilə İtaliya Kubokunun oyununda zədə aldığı bildirilir.

İddiaya görə, "İnter"in məşqçilər heyəti bu səbəbdən A seriyasının dünən "Torino" ilə qarşılaşmasında (2:2) Çalhanoğlunu meydana buraxmayıblar.

İtaliya mətbuatında yer alan məlumatlara görə, türkiyəli futbolçu təxminən bir ay yaşıl meydanlardan kənarda qalacaq. Onun zədəsinin futbol üzrə dünya çempionatına (DÇ-2026) qədər sağaldacağı gözlənilir.

Xəbər maraqlı gəlib? Sosial şəbəkələrdə paylaşın