Mahcamal Babayeva: "Sosial şəbəkələr sevgini saflıqdan uzaqlaşdırır" - VİDEO

Baku TV-nin "O vaxtlar" verilişinin budəfəki buraxılışının qonağı şairə və qəzəlxan Mahcamal Babayeva olub.

O, müasir gənclərin evliliyə soyuq yanaşmalarından bəhs edib:

"İndi cavanlar evlənməyə tələsmirlər, ailə qurmaq prosesi xeyli gecikir. Müasir dövrdə sevginin açıq-saçıq yaşanması hər şeyin dəyərini azaldır. Texnologiya və sosial şəbəkələr çox inkişaf edib. İnsanların bu platformalarda hər şeyi aşkar şəkildə danışması, şəxsi şəkillərini hamıya nümayiş etdirməsi eşqi, məhəbbəti adiləşdirir. Beləliklə, sevgi öz qiymətini, saflığını itirmiş olur".

Şairə bəzi televiziya verilişlərində ailədaxili məsələlərin müzakirəyə çıxarılmasını kəskin tənqid edib:

"Mən insanların efirdə hər şeyi açıb danışdığı verilişlərə çox pis yanaşıram. Ailənin sirrini kənara çıxarmaq olmaz. Bunu tərbiyəsizlik hesab edirəm. Ola bilsin ki, insan ən yaxın adamı ilə nəsə bölüşə bilər, amma böyük bir auditoriya qarşısında ailə problemlərindən danışmaq düzgün deyil".

Xəbər maraqlı gəlib? Sosial şəbəkələrdə paylaşın