Paşinyan rusiyalı oliqarxı məhkəməyə verir: "Bir ton göbələyi ona yedizdirəcəyəm"

Ermənistanın baş naziri Nikol Paşinyan rusiyalı iş adamı, "Güclü Ermənistan" partiyasının sədri Samvel Karapetyana qarşı məhkəmə iddiası qaldıracağını bəyan edib.

Gundem.today Ermənistan KİV-ə istinadən xəbər verir ki, buna səbəb Karapetyanın Paşinyanın Çindən bir tona qədər halüsinogen göbələk gətirdiyi və ictimai çıxışlarından öncə onlardan istifadə etdiyi barədə irəli sürdüyü iddialardır.

"Mənə Kaluqa oliqarxının bir ton halüsinogen göbələk barədə etdiyi çıxışı göstərdilər. Əlbəttə ki, mən həmin Kaluqa oliqarxını məhkəməyə verəcəyəm və sözün əsl mənasında onu həmin bir ton halüsinogen göbələyi yeməyə məcbur edəcəyəm. Sərt ifadələrimə görə üzr istəyirəm, lakin hər şeyin bir sərhədi var", - deyə erməni baş nazir özünün "Telegram" hesabında qeyd edib.

Xəbər maraqlı gəlib? Sosial şəbəkələrdə paylaşın