Premyer Liqa: Bu gün turun son iki qarşılaşması keçiriləcək

Misli Premyer Liqasında bu gün XXVIII turun son iki qarşılaşması keçiriləcək.

Gundem.today xəbər verir ki, əvvəlcə "Kəpəz" "İmişli"ni qəbul edəcək.

Görüş Yevlax şəhər stadionunda, saat 15:30-da start götürəcək. Gəncə təmsilçisi turnir cədvəlində 21 xalla 10-cu yerdə qərarlaşıb. "İmişli" isə 26 xalla doqquzuncudur.

Turun son matçı isə Sumqayıtda təşkil olunacaq. Şəhərin eyniadlı komandası "Qəbələ"ni sınağa çəkəcək. Qarşılaşma saat 19:00-da təşkil olunacaq. Hazırda 32 xala malik "Sumqayıt" 7-ci pillədədir. 11-ci yerdə olan "Qəbələ"nin isə 19 xalı var.

Qeyd edək ki, daha əvvəl keçirilən matçlarda "Turan Tovuz" "Araz-Naxçıvan"ı (3:0), "Karvan-Yevlax" "Şamaxı"nı (1:0) üstələyib. "Zirə" - "Neftçi" matçında qalib müəyyənləşməyib - 1:1.

Xəbər maraqlı gəlib? Sosial şəbəkələrdə paylaşın