Premyer Liqa: "Şamaxı" öz meydanında "Kəpəz"i üstələdi - VİDEO

Misli Premyer Liqasında 29-cu turun daha bir oyunu keçirilib.

Gundem.today xəbər verir ki, günün ilk matçında "Şamaxı" "Kəpəz"i qəbul edib.

Şamaxı şəhər stadionundakı qarşılaşma meydan sahiblərinin qələbəsi ilə bitib - 2:0.

68-ci dəqiqədə Rikardo Apolinario, 75-ci dəqiqədə Andrey Tirkoveanu fərqlənib.

Qələbə sayəsində xallarının sayını 35-ə çatdıran "Şamaxı" 8-ci pillədə qərarlaşıb. "Kəpəz" 21 xalla 10-cudur.

Qeyd edək ki, Günün ikinci matçında "Qarabağ" "Neftçi" ilə üz-üzə gələcək.

Ötən gün "Sumqayıt" "İmişli"ni iki cavabsız qolla üstələyib. "Qəbələ" - "Araz-Naxçıvan" oyununda qalib müəyyənləşməyib - 1:1.

Misli Premyer Liqasında 29-cu turun daha iki oyunu bu gün keçiriləcək.

Gundem.today xəbər verir ki, ilk olaraq "Şamaxı" "Kəpəz"i qəbul edəcək.

Şamaxı şəhər stadionundakı qarşılaşma saat 16:00-da start götürəcək.

Meydan sahibləri 32 xalla 8-ci, Gəncə klubu 21 xalla 10-cu pillədə qərarlaşıb.

Günün ikinci görüşündə "Neftçi" və "Qarabağ" münasibətlərə aydınlıq gətirəcəklər.

"Palms Sports Arena"da matç saat 19:00-da başlayacaq. Ağdam təmsilçisi 56 xalla ikinci, "ağ-qaralar" 44 xalla dördüncüdür.

Qeyd edək ki, tura aprelin 27-də yekun vurulacaq. Ötən gün "Sumqayıt" "İmişli"ni iki cavabsız qolla üstələyib. "Qəbələ" - "Araz-Naxçıvan" oyununda qalib müəyyənləşməyib - 1:1.

Xəbər maraqlı gəlib? Sosial şəbəkələrdə paylaşın