
Qətər hava limanı xarici uçuşları bərpa edir
Qətər rəhbərliyi paytaxt Dohada yerləşən Həməd Beynəlxalq Hava Limanı vasitəsilə xarici aviaşirkətlərin ölkəyə həyata keçirdiyi uçuşların mərhələli şəkildə bərpa olunacağını elan edib.
Qətər rəhbərliyi paytaxt Dohada yerləşən Həməd Beynəlxalq Hava Limanı vasitəsilə xarici aviaşirkətlərin ölkəyə həyata keçirdiyi uçuşların mərhələli şəkildə bərpa olunacağını elan edib.
Gundem.today xəbər verir ki, bu barədə əmirliyin Mülki Aviasiya İdarəsinin dərc etdiyi rəsmi bəyanatda məlumat verilib.
Sənədə əsasən, sözügedən qərar bütün aidiyyəti qurumlarla əlaqəli şəkildə mövcud vəziyyətin hərtərəfli qiymətləndirilməsinin nəticələrinə əsasən qəbul edilib. Qurumdan vurğulanıb ki, həyata keçirilən tədbirlər aviasiya sektorunun fəaliyyətinin səmərəliliyini və ən yüksək səviyyədə hazırlığını təmin etmək məqsədi daşıyır. Aviasiya rəhbərliyi bütün reyslərin və əlaqədar əməliyyatların beynəlxalq təhlükəsizlik, mühafizə standartlarına uyğun şəkildə, həmçinin sərnişinlərin, işçi heyətin qorunması üçün zəruri ehtiyat tədbirləri tətbiq edilməklə icra olunacağına zəmanət verib.
Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.
İran isə öz növbəsində İsrailə onlarla ballistik raket atıb. İsrail Müdafiə Qüvvələri atışları təsdiqləyib, ölkə daxilində sirenlər səslənib və hava hücumundan müdafiə sistemləri işə salınıb. İran ABŞ-nin hərbi bazalarının yerləşdiyi qonşu ölkələrin əksəriyyətinə raket zərbələri endirib. Buna görə də həmin ölkələrdə, o cümlədən Qətərdə hava məkanı müvəqqəti bağlanıb.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaPentaqon ABŞ-nin 1.5 trilyon dollarlıq müdafiə büdcəsinin detallarını açıqlayıb
ABŞ Hərb Nazirliyi (Pentaqon) Prezident Donald Tramp administrasiyası tərəfindən 2027-ci maliyyə ili üçün təklif olunan 1.5 trilyon dollar məbləğində müdafiə büdcəsinin təfərrüatını dərc edib.
DünyaTürkiyədə məktəbdə qətliam törədən şagirdin anası həbs edildi
Türkiyənin Kahramanmaraş vilayətinin Onikişubat rayonundakı məktəbə silahlı hücum edərək 10 nəfəri öldürən İsa Aras Mersinlinin anası Peyman Pınar Mersinli həbs edilib.
DünyaKallas: "Avropa İttifaqı İrana qarşı sanksiyaları genişləndirir"
Avropa diplomatiyasının rəhbəri Kaya Kallas bəyan edib ki, Avropa İttifaqı (Aİ) ölkələrinin xarici işlər nazirləri Tehranın Hörmüz boğazında gəmiçiliyə qoyduğu məhdudiyyətlərə cavab olaraq İrana qarşı sanksiyaların sərtləşdirilməsi barədə razılığa gəliblər.
Dünyaİran Trampın edam cəzası verilən səkkiz qadınla bağlı iddiasına cavab verdi
İranın məhkəmə sistemi ABŞ Prezidenti Donald Trampın səkkiz qadına ölüm hökmü çıxarılması ilə bağlı iddiasını təkzib edib.