
Rusiya XİN bütün ölkələrə və beynəlxalq təşkilatlara nota göndərdi: Nə baş verir?
Rusiya Xarici İşlər Nazirliyində (XİN) akkreditasiyadan keçmiş bütün beynəlxalq təşkilatların nümayəndəliklərinə və xarici diplomatik missiyalara Kiyevdəki heyətlərini əvvəlcədən təxliyə etmək çağırışını əks etdirən nota göndərilib.
Rusiya Xarici İşlər Nazirliyində (XİN) akkreditasiyadan keçmiş bütün beynəlxalq təşkilatların nümayəndəliklərinə və xarici diplomatik missiyalara Kiyevdəki heyətlərini əvvəlcədən təxliyə etmək çağırışını əks etdirən nota göndərilib.
Gundem.today Rusiya XİN-in rəsmi saytına istinadən xəbər verir ki, bu barədə qurumun rəsmi nümayəndəsi Mariya Zaxarovanın şərhində bildirilir.
Şərhdə vurğulanır ki, 2026-cı il mayın 4-də Rusiyanın Müdafiə Nazirliyi Kiyevin 9 May Qələbə Günündə Moskvaya zərbə endirmək təhdidləri iddiaları ilə bağlı rəsmi bəyanat yayıb. Rusiya XİN nota göndərilən təşkilat rəhbərlərini və ölkə rəsmilərini bu bəyanata məsuliyyətlə yanaşmağa çağırır. Rusiya Silahlı Qüvvələrinin Kiyevə qaçılmaz cavab zərbəsi endirəcəyi səbəbindən diplomatik və digər nümayəndəliklərin işçilərinin, habelə vətəndaşların Kiyev şəhərindən vaxtında təxliyəsinin təmin edilməsi tələb olunur.
Rusiyanın xaricdəki diplomatik nümayəndəlikləri beynəlxalq təşkilatları və akkreditasiya olunduqları ölkələri bu məsələ ilə bağlı məlumatlandırırlar.
Zaxarova qeyd edib ki, mayın 4-də İrəvanda keçirilən "Avropa Siyasi Birliyi"nin sammiti zamanı Ukrayna Prezidenti Volodimir Zelenski Moskvada Qələbə Gününü terror aktları ilə pozmaq hədəsi ilə çıxış edib. Eyni zamanda, tədbirdə bəzi Aİ ölkələrinin nümayəndələri də iştirak edib və rəsmi Moskvanın fikrincə, onlar Ukrayna liderinin bu bəyanatlarına heç bir reaksiya verməyiblər.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaMacarıstan Ukraynaya məxsus pul və qızılları geri qaytarıb
Macarıstan fevral ayında müsadirə edilmiş "Oşadbank"a məxsus pul və qızılı Ukraynaya geri qaytarıb.
DünyaHörmüzdə gərginlik pik həddə: Fransanın "dəniz nəhəngi" hərəkətə keçdi
Fransa özünə məxsus aviadaşıyıcı qrupun Qırmızı dənizə yola düşdüyünü bəyan edib.
DünyaNikolya Sarkozi həbs cəzasından azad edildi
Fransanın 2007-2012-ci illərdə prezidenti olmuş Nikolya Sarkozi 2012-ci il seçki kampaniyası xərclərinin normadan artıq olması işi üzrə cəzanın icrası çərçivəsində şərti olaraq vaxtından əvvəl azad edilib.
DünyaABŞ hərbçilərini Litva və Polşada yerləşdirir? - Prezidentlərdən AÇIQLAMA
Almaniyadan çıxarılması planlaşdırılan 5 000 ABŞ hərbçisi Litva və Polşa ərazisində yerləşdirilə bilər.