
Tramp İrana qarşı əməliyyatın tezliklə bitəcəyini 12-ci dəfə bəyan etdi - Ziddiyyət, yoxsa manevr?
Martın 30-da ABŞ prezidenti Donald Tramp İrana qarşı "Epik qəzəb" əməliyyatının tezliklə başa çata biləcəyini deyib. Bu, onun martın əvvəlindən bəri 12-ci dəfə oxşar açıqlamasıdır.
Martın 30-da ABŞ prezidenti Donald Tramp İrana qarşı "Epik qəzəb" əməliyyatının tezliklə başa çata biləcəyini deyib. Bu, onun martın əvvəlindən bəri 12-ci dəfə oxşar açıqlamasıdır.
Gundem.today xəbər verir ki, bu barədə "Axios" portalı məlumat yayıb.
"Axios" hesab edir ki, Ağ Evin bu məsələ ilə bağlı bəyanatları ziddiyyətlidir. Çünki ABŞ rəsmiləri həmvətənlərini münaqişənin uzunmüddətli müharibəyə səbəb olmayacağına inandırmağa çalışırlar. İrana qarşı yönəlmiş əməliyyat artıq beşinci həftədir ki, icra olunur və bu, "Axios"un təhlilinə əsasən, Birləşmiş Ştatlar liderinin prosesin dörd-beş həftə çəkəcəyi ilə bağlı ilkin ehtimallarına uyğun gəlir.
Bununla belə, "Axios" hesab edir ki, Yaxın Şərqdə yerləşdirilmiş ABŞ Silahlı Qüvvələrinin şəxsi heyətinin sayının 50 min nəfəri keçməsi regiondakı hərbi toqquşmaların qısa müddətdə dayandırılması ehtimalını azaldır.
Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.
İran isə öz növbəsində İsrailə onlarla ballistik raket atıb. İsrail Müdafiə Qüvvələri atışları təsdiqləyib, ölkə daxilində sirenlər səslənib və hava hücumundan müdafiə sistemləri işə salınıb.
Martın 1-də İranın Ali Lideri Əli Xameneinin hücumlar zamanı öldürüldüyü bəyan olunub.
İran ABŞ-nin hərbi bazalarının yerləşdiyi qonşu ölkələrin əksəriyyətinə raket zərbələri endirib. Buna görə də həmin ölkələrdə hava məkanı müvəqqəti bağlanıb.
Həmçinin Hörmüz boğazından gəmilərin keçidində ciddi problemlər yaranıb.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaKİV: Körfəz ölkələri ABŞ-ni İranla müharibəni davam etdirməyə çağırırlar
"Səudiyyə Ərəbistanı və Birləşmiş Ərəb Əmirlikləri (BƏƏ) də daxil olmaqla bir neçə Körfəz ölkəsi ABŞ-ni İrana qarşı hərbi əməliyyatları davam etdirməyə çağırırlar".
DünyaTürkiyənin Müdafiə Nazirliyi Azərbaycanlıların Soyqırımı Günü ilə bağlı anım mətni yaydı
Türkiyənin Milli Müdafiə Nazirliyi 31 Mart - Azərbaycanlıların Soyqırımı Günü ilə bağlı anım mətni yayıb.
Dünyaİran neftlə bağlı diskontu azaltdı, qiymətlər əhəmiyyətli dərəcədə artdı
İranın neft naziri Möhsün Paknejad ölkəsinin neft satışında endirimlərin həcmini azaltdığını və orta satış qiymətlərinin əhəmiyyətli dərəcədə artdığını açıqlayıb. O, daxili yanacaq təminatında heç bir problemin yaşanmayacağını bildirib.
Dünyaİran 88-ci hücum dalğasına başladı: ABŞ və İsrail hədəfləri vuruldu - VİDEO
İranın SEPAH qüvvələri "Əsl Vəd-4" əməliyyatı çərçivəsində Fars körfəzində İsrail gəmisinə və regiondakı ABŞ hərbi bazalarına zərbələr endirdiyini açıqlayıb. Əməliyyatın təfərrüatları ilə tanış olun.