Tramp: "İrana qarşı həyata keçirilən əməliyyat sona yaxınlaşır"

"ABŞ-nin İrana qarşı həyata keçirdiyi əməliyyat sona yaxınlaşmaqdadır".

Gundem.today xəbər verir ki, bu barədə ABŞ Prezidenti Donald Tramp "Fox News" telekanalına verdiyi müsahibəsində deyib.

"Düşünürəm ki, o (İranla müharibə) bitmək üzrədir. Mən bu prosesin başa çatmağa çox yaxın olduğunu görürəm. Bilirsiniz, əgər mən indi oradan tamamilə çəkilib getsəm, o ölkəni yenidən ayağa qaldırmaları 20 il çəkər. Hələ işimiz bitməyib, nələrin olacağını görəcəyik. Düşünürəm ki, onlar səmimi şəkildə bir razılaşma əldə etmək istəyirlər", - deyə o, teleaparıcı Mariya Bartiromo ilə söhbətində vurğulayıb.

Bundan başqa Ağ Ev lideri əlavə edib ki, Tehranın nüvə silahı hazırlamasının qarşısını almaq üçün İrana hücum etməli olub:

"Onların diqqətini yayındırmalı idim, çünki etməsəydim, hazırda İran nüvə silahına sahib olardı".

​ABŞ Prezidenti Donald Tramp İrana qarşı hərbi əməliyyatın başa çatdığını bəyan edib.

​Gundem.today xəbər verir ki, bu barədə "Fox News" telekanalının jurnalisti Mariya Bartiromo dövlət başçısı ilə müsahibədən sonra məlumat verib.

​"Tramp əməliyyatın başa çatdığını bildirdi", - deyə jurnalist qeyd etsə də, əlavə təfərrüat açıqlamayıb.

​Bundan əvvəl Tramp ABŞ və İran arasında növbəti danışıqlar raundunun yaxın iki gün ərzində keçirilə biləcəyini vurğulayıb.

​Xatırladaq ki, aprelin 11-də tərəflər Pakistanın vasitəçiliyi ilə danışıqlar aparıblar. Həmin görüşdə Hörmüz boğazının açılması, İranın nüvə proqramı, sanksiyaların ləğvi və hərbi əməliyyatların dayandırılması məsələləri müzakirə olunub.

Xəbər maraqlı gəlib? Sosial şəbəkələrdə paylaşın