Trampın açıqlamasından 15 dəqiqə əvvəl neftlə bağlı müəammalı sövdələşmələr olub

Treyderlər aprelin 21-də ABŞ Prezidenti Donald Trampın İranla atəşkəsin uzadıldığını elan etməsindən cəmi 15 dəqiqə əvvəl neft qiymətlərinin düşəcəyinə 430 milyon dollar məbləğində mərc ediblər.

Gundem.today bu barədə "Reuters" agentliyinə istinadən xəbər verir.

Agentliyin hesablamaları göstərir ki, aprel ayının əvvəlindən bəri Yaxın Şərqdəki münaqişə ilə bağlı mühüm açıqlamalardan az əvvəl treyderlərin bu cür iri məbləğdə mərc etməsi artıq dördüncü dəfədir ki, baş verir.

Aprelin 21-i axşam saatlarında İranın ABŞ ilə danışıqlardan imtina etməsi xəbəri fonunda neft qiymətləri kəskin artıb. Lakin çox keçmədən, D.Trampın atəşkəsin uzadılması ilə bağlı açıqlamasından sonra qiymətlər yenidən geriləyib.

"Brent" markalı neft üzrə iyun fyuçersləri Bakı vaxtı ilə saat 00:06-da maksimum 5.58% artaraq bir bareli 101 dollara çatıb. Lakin saat 00:10-da qiymətlər artıq 97 dolların altına enib.

Xəbər maraqlı gəlib? Sosial şəbəkələrdə paylaşın