Türkiyədə 126 gün sonra qar uçqunu altından cəsədi çıxarılan çobanın faciəsi: Üzərində tapılanlar kədərləndirdi - FOTO

Türkiyənin Artvin bölgəsinin Zəkəriyyə kəndində, Aksu dağı ərazisində 31 dekabr 2025-ci ildə baş verən qar uçqunu altında itkin düşmüş Bülent Gezerin cəsədi 126 gün sonra tapılıb. Onun əllərinə keçirdiyi corablar və əlindəki bir ədəd peçenye ilə aşkarlanması axtarış-xilasetmə qruplarını dərindən kədərləndirib.

Gundem.today "Haber Global"a istinadən xəbər verir ki, çoban uçquna yola çıxdığı vəziyyətdə tuş gəlib. Tapılan zaman onun belində çörək torbası olub, soyuqdan qorunmaq üçün isə əllərinə corab keçiribmiş. Bir ovcunda isə cəmi bir ədəd peçenye aşkarlanıb. Uzun müddət qar altında qalmasına baxmayaraq, Gezerin bədəninin böyük hissəsinin çürümədən qorunub saxlanılması xilasetmə qruplarını təəccübləndirib.

Həmçinin, Bülent Gezerin qar uçqunundan cəmi bir neçə saat əvvəl at belində çəkilmiş son fotosu da üzə çıxıb.

Xəbər maraqlı gəlib? Sosial şəbəkələrdə paylaşın