Çində dəhşətli anlar: Alovla rəqs göstərən qadın səhnədə yanmağa başladı - VİDEO

Çində alovlu rəqs nümayiş etdirən qadın qəfildən yanmağa başlayıb.

Gundem.today xəbər verir ki, bu məlumatı "The Sun" məlumat yayıb.

Hadisə dəniz kənarında təşkil olunan şou vaxtı qeydə alınıb. İfaçı qumluq ərazidə, yanan halqanın daxilində çıxış edib. Məlumata görə, rəqqasə təhlükəli fəndləri birbaşa alovun yaxınlığında nümayiş etdirib.

Qəflətən qığılcımlar onun geyiminə keçib. Daha sonra isə od qadının saçlarını və bədənini bürüməyə başlayıb. Təşvişə düşən ifaçı sahildən çaya tərəf qaçaraq özünü suya atıb.

Suda alovu söndürməyə müvəffəq olan rəqqasə ağır yanıq xəsarətlərindən qurtula bilib. Hadisə yerinə gələn tibb briqadası yaralını dərhal klinikaya aparıb. Tibb işçilərinin müayinəsindən sonra qadının vəziyyətinin ağır olmadığı təsdiqlənib.

Xəbər maraqlı gəlib? Sosial şəbəkələrdə paylaşın