Evdə səs-küy saldığınıza görə yüksək məbləğdə cərimə edilə bilərsiniz - Qanun nə deyir? - VİDEO

Mənzil sizin şəxsi əmlakınız olsa da, orada belə, bəzən hərəkətlərinizi elə seçməlisiniz ki, kənar şəxsləri narahat etməyəsiniz.

Gundem.today-ın "Qanun nə deyir?" adlı rubrikasının bugünkü mövzusu mənzildə səs-küy salmaqla bağlıdır.

Evdə səs-küy salmağa görə hansı hallarda cərimə tətbiq edilə bilər?

İnzibati Xətalar Məcəlləsinin 521-ci maddəsində qeyd olunur ki, mənzillərdə, yaşayış evlərinin girişlərində və həyətlərində, küçələrdə, istirahət yerlərində və digər ictimai yerlərdə gecə saat 00-dan 07-dək səs-küy salmağa, ucadan mahnı oxumağa, musiqi alətlərində ucadan ifa etməyə, televizorları, radioqəbulediciləri, maqnitofonları və digər aparatları gur səslə oxutmağa, məişət səs-küyünə qarşı mübarizə tələblərini başqa üsulla pozmağa görə məsuliyyət daşıyırsınız.

Bu pozuntulara görə cərimələr də müəyyənləşib.

Belə ki, qanunvericiliyin tələblərinə tabe olmayan fiziki şəxslər yüz əlli manatdan iki yüz manatadək, vəzifəli şəxslər iki min manatdan iki min beş yüz manatadək məbləğdə cərimə edilirlər.

Xəbər maraqlı gəlib? Sosial şəbəkələrdə paylaşın