İran ABŞ-yə Hörmüz boğazı ilə bağlı sərt xəbərdarlıq edib

İran Silahlı Qüvvələrinin "Xatəm əl-Ənbiya" Mərkəzi Qərargahı ABŞ-yə Hörmüz boğazındakı vəziyyətlə bağlı sərt xəbərdarlıq edib.

Gundem.today xəbər verir ki, bu barədə bəyanat İranın dövlət televiziyasında səsləndirilib.

"Əgər aqressiv ABŞ ordusu regionda blokada və pirat hərəkətlərini davam etdirsə, bilməlidir ki, İranın güclü silahlı qüvvələrinin cavabı ilə üzləşəcək", - deyə qərargahın açıqlamasında bildirilib.

Qeyd olunub ki, İran ordusu ölkənin suverenliyi və ərazi bütövlüyünü qorumaq üçün əvvəlki dövrlərlə müqayisədə daha güclü və hazırlıqlıdır.

Bəyanatda əlavə edilib ki, İran hərbçiləri regiondakı bütün "düşmən hərəkətlərini" diqqətlə izləyir, Hörmüz boğazına nəzarəti qoruyur və mümkün hücumlara ciddi cavab verməyə hazırdır.

Xəbər maraqlı gəlib? Sosial şəbəkələrdə paylaşın