İspaniyada attraksion qəzası: Xəsarət alanlar var

İspaniyanın Sevilya şəhərində keçirilən yarmarkada ekstremal "katapult" attraksionunun trosu qırılıb.

Gundem.today xəbər verir ki, bu barədə "People" və "The Sun" nəşrləri məlumat yayıb.

Bərkidici mexanizm tab gətirməyib və tros qırıldıqdan sonra qurğu güclü şəkildə yellənərək dayağa çırpılıb.

Hadisə nəticəsində dörd nəfər xəsarət alıb. Onlardan ikisi xəstəxanaya yerləşdirilib.

Bildirilir ki, kapsulda uşaqlar da olub.

Şahidlər hadisə anını videoya çəkiblər. Qəza baş verdikdən sonra attraksionun fəaliyyəti dayandırılıb və araşdırma başlanıb.

Xəbər maraqlı gəlib? Sosial şəbəkələrdə paylaşın