Naxçıvan MSK-nın vəzifələri artırılır

"Naxçıvan Muxtar Respublikasının Ali Məclisinə seçkilər haqqında" Qanuna dəyişiklik olunur.

Gundem.today-ın məlumatına görə, sözügedən məsələ Ali Məclisin mayın 6-da keçiriləcək gündəliyinə daxil edilib.

Layihəyə əsasən, Naxçıvan MR Mərkəzi Seçki Komissiyasının vəzifələri artırılır.

Sənəddə qeyd olunur ki, müharibə şəraitində hərbi əməliyyatların aparılması ilə əlaqədar seçkilərin keçirilməsi mümkün olmadıqda Mərkəzi Seçki Komissiyası Naxçıvan Muxtar Respublikası Konstitusiyasına uyğun olaraq Naxçıvan Ali Məhkəməsinə müraciət edəcək.

Naxçıvan Konstitusiyasında qeyd edilir ki, müharibə şəraitində hərbi əməliyyatların aparılması Ali Məclisə seçkinin keçirilməsini mümkün etmədikdə qanunverici orqanın çağırışının səlahiyyət müddəti hərbi əməliyyatların sonunadək uzadılır. Bu barədə qərar Naxçıvanda seçkilərin hazırlanmasını və keçirilməsini təmin edən dövlət orqanının müraciətinə əsasən Naxçıvan Ali Məhkəməsi tərəfindən qəbul edilir.

Xəbər maraqlı gəlib? Sosial şəbəkələrdə paylaşın