
"Orion" pilotlu kosmik gəmisi Ay ətrafında uçuşunu başa vurub və Yerə qayıdır - VİDEO
"Artemida-2" missiyası çərçivəsində ABŞ-nin "Orion" kosmik gəmisinin ekipajı Ay ətrafında fırlandıqdan sonra Yerə qayıtmağa başlayır.
"Artemida-2" missiyası çərçivəsində ABŞ-nin "Orion" kosmik gəmisinin ekipajı Ay ətrafında fırlandıqdan sonra Yerə qayıtmağa başlayır.
Gundem.today-ın xəbərinə görə, bu barədə ABŞ Milli Aeronavtika və Kosmik Tədqiqatlar Mərkəzindən (NASA) məlumat verilib.
İdarənin saytında dərc olunmuş məlumatda bildirilib ki, "Artemis-2" komandası Ay müşahidələrini başa vurub və hazırda evə qayıtmağa başlayır.
Qeyd olunur ki, "Orion" aprelin 7-də Ayın cazibə qüvvəsi zonasını tərk edəcək və Yerin peykindən 66 098 km (41 000 mil) uzaqlaşacaq.
Daha əvvəl aprelin 6-da "Artemis-2" ekipajı "Apollo-13" ekspedisiyasının nailiyyətlərini üstələyərək insanın Yerdən uzaqlaşma məsafəsi üzrə yeni rekord qırıb, daha sonra Ayın görünməyən tərəfində öz uçuşu zamanı Yerdən ən uzaq nöqtəsinə çatıb.
Aprelin 2-də "Artemis-2" missiyası Floridadakı Kennedi Kosmik Mərkəzindən start götürüb. Bu, 1972-ci ildən bəri Aya ilk insanlı missiyadır. Uçuşun müddəti 10 gün təşkil edəcək. Astronavtlar Ay ətrafında fırlanmalı və Yerə qayıtmalıdırlar.
Aprelin 5-də missiya iştirakçıları gözlənilməz problemlə qarşılaşıblar - uçuşun üçüncü günündə göyərtədəki ayaqyolu işləməyib. NASA bildirib ki, nasazlığa səbəb ventilyasiya borusunda donub qalmış sidik olub. Dispetçerlər ağıllı həll yolu tapıblar - kapsulu elə fırladıblar ki, borunun donmuş hissəsi birbaşa günəş işığına məruz qalsın. Bu, qismən sistemi təmizləyib və mayenin bir hissəsinin açıq kosmosa çıxmasına imkan verib.
Daha əvvəl isə "Artemis-2" missiyasındakı "Orion" kosmik gəmisinin Ayın cazibə qüvvəsi zonasına daxil olduğu bildirilirdi.
Xəbər maraqlı gəlib? Sosial şəbəkələrdə paylaşın
Oxşar Xəbərlər
DünyaRusiyalı nazir digər vəzifələrdə törətdiyi əməllərə görə də cavab verəcək
Rusiyanın Krasnoyarsk diyarında müstəntiqlər ötən gün saxlanılan regional tarif siyasəti naziri Aleksandr Ananyevə qarşı ittiham irəli sürüblər.
Dünyaİran xalqı ABŞ-nin zərbə təhlükəsinə qarşı etiraz etməyə çağırıldı
İranın gənclər və idman nazirinin müavini Əlirza Rəhimi ABŞ-ın enerji obyektlərinə zərbə endirmək təhdidlərinə qarşı vətəndaşları "Canlı zəncir" adlı etiraz aksiyasında iştirak etməyə çağırıb.
DünyaWSJ: "İran Trampın tələbinə boyun əyməyəcək"
İran ABŞ prezidenti Donald Trampın Hörmüz boğazının aprelin 7-si saat 20:00-a (Bakı vaxtı ilə 8 aprel, 05:00 - red.) qədər açılması ilə bağlı tələbinə boyun əyməyəcək.
DünyaPit Heqset nazir olmaq üçün nələrdən keçib? - Siyahıda məşhur şirkətlərin adları var
ABŞ-nin hərb naziri Pit Heqset Pentaqona rəhbərlik etmək üçün ölkənin aparıcı hərbi şirkətlərindəki paylarını satıbmış.