"Real Madrid"in iki həftəyə altı kiloqram arıqlayan futbolçusunda xəstəlik tapıldı

Həkimlərin "Real Madrid"in müdafiəçisi Raul Asensioya qoyduqları diaqnoz məlum olub.

Gundem.today Madrid klubunun rəsmi saytına istinadən xəbər verir ki, 23 yaşlı ispaniyalıya bakterial enterokolit diaqnozu qoyulub.

Daha əvvəl R.Asensionun xəstəlik səbəbindən iki həftə ərzində altı kiloqram arıqladığı bildirilmişdi. Sağlamlıq problemləri səbəbindən müdafiəçi Çempionlar Liqasının 1/4 finalında "Real Madrid"in "Bavariya" ilə cavab matçını buraxıb.

Bu mövsümdə R.Asensio "kral klubu"un heyətində bütün turnirlərdə 31 matç keçirib, iki qol vurub və bir məhsuldar ötürmə edib. Onun klubla müqaviləsinin müddəti 2031-ci ilə qədərdir.

Xəbər maraqlı gəlib? Sosial şəbəkələrdə paylaşın